Правядзенне кампаніі “Будзьма беларусамі!” прадэманстравала высокую запатрабаванасць беларускай культуры сярод насельніцтва краіны і прывяло да высновы пра неабходнасць больш грунтоўнага вывучэння стану нацыянальнай ідэнтыфікацыі. У супрацоўніцтве з грамадскай кампаніяй, лабараторыя аксіяметрычных даследаванняў “НовАК” і “Беларускі інстытут стратэгічных даследаванняў” (Літва), правялі даследаванне сучаснага стану і тэндэнцыяў развіцця этнічнай ідэнтычнасці беларусаў, уплыву, які аказвае гэтае развіццё на дынаміку палітычных і грамадскіх працэсаў у Беларусі.

Па выніках праведзеных фокус-групаў і сацыялагічнага апытання, даследчыкі імкнуліся адказаць на наступныя пытанні:

• Якім чынам фармуецца і актуалізуецца сучасная беларуская ідэнтычнасць?
• Якая роля нацыянальнай культуры і мовы ў фармаванні самасвядомасці сучаснага беларускага грамадства?
• Да якой ступені і ў якіх формах беларуская культура запатрабаваная ў сённяшняй Беларусі?
• Якія сімвалы, брэнды, фрагменты гістарычнай памяці з’яўляюцца найбольш агульнымі для жыхароў нашай краіны?

У прэзентацыі возьмуць удзел прадстаўнікі інстытутаў, што правялі апытанне:
• Надзея Яфімава, вядучы навуковы супрацоўнік лабараторыі “НовАК”;
• Віталь Сіліцкі, дырэктар BISS.

Па выніках прэзентацыі адбудзецца грамадская дыскусія.


Пра ўдзел у мерапрыемстве просьба паведаміць па тэлефоне + 375 29 337 20 54 Або па электроннай пошце razam@budzma.org